TALLER DE APARATO LOCOMOTOR

Primeira avaliación, 1º ESO. Traballo cooperativo do aparello locomotor.

CUESTIONARIO CAPACIDADES FÍSICAS

Boas chicos/as! Aquí vos deixo o enlace para cubrir o cuestionario da unidade de capacidades físicas. Non esquezades cubrir nome, apelidos e curso. Ánimo e bo traballo!! Tedes toda a información necesaria no blogue.

https://docs.google.com/forms/d/1jhrBIsvLs5qrArZim_StAZr2PuoWXHiZ-wVv9u8hc-I/edit

CONDICIÓN FÍSICA 

Agora que estamos a piques de rematar esta unidade, é bo aclarar os conceptos máis importantes que traballamos ao longo da mesma; é dicir, a condición física. Que entendemos por ela? Trátase dun conxunto de capacidades físicas que ben traballadas nos proporcionan un estado de saúde e benestar óptimos para a vida e un bo rendemento para as actividades físicas e deportivas. Son un total de 4: forza, resistencia, flexibilidade e velocidade, que resumiremos a continuación:

CUALIDADE FÍSICA	Que é?	Como podemos mellorala?	Sabías que…?
FORZA	É a capacidade para vencer resistencias.	Con xogos de loita, traccións, empurres, arrastres de obxectos, trepas, etc.	·      Se fortalecemos os músculos do noso corpo, evitaremos moitas lesións. ·      O animal máis forte en relación co seu peso é o escaravello xigante.
RESISTENCIA	A capacidade de aguantar moito tempo facendo exercicio físico. Existen dous tipos: aeróbica e anaeróbica.	Con xogos de carreira, de persecución, circuítos, etc.	·      Correr moderadamente é beneficioso para corazón e pulmóns. ·      En Kenia, moitos nenos/as percorren máis de 10 kms para ir á escola. Con este adestramento non é de estrañar que de adultos sexan imbatibles en probas de longa distancia. ·      Algunhas das probas de resistencia máis duras son o maratón (42 kms de carreira), o triatlón (que combina natación, ciclismo e carreira) xunto co Tour de Francia, dura proba en bicicleta.
FLEXIBILIDADE	É a capacidade que permite facer movementos de grande amplitude articular sen magoarnos, grazas á mobilidade das articulacións e á elasticidade muscular.	Con exercicios de estiramentos con ou sen compañeiro/a aguantando durante 15-20 segundos unha posición notando certa tensión pero non dor.	·      A flexibilidade diminúe coa idade e é importantísima para estar san, así que se non queres perdela.. comeza a traballala cada día. ·      Hai persoas que son quen de estirar o seu corpo ata límites abraiantes. Son os contorsionistas
VELOCIDADE	É a capacidade física que nos permite movernos rapidamente no menor tempo posible.	Mediante xogos de persecución, relevos, xogos de reacción, etc. Hai que ter en conta que para desenvolvela os xogos deben durar pouco tempo ademais de seren intensos e a sensación despois de cada un deles será de moito cansanzo.	·      O animal máis rápido do mundo é o falcón peregrino, que voa en picado a 250 km/h. ·      O home máis rápido do mundo recorre 100 metros en menos de 10 segundos e a muller máis veloz en menos de 11 segundos (Usain Bolt e Florence Griffith). ·      Para ser veloz hai que traballar a flexibilidade e a forza.

Os peques de primeiro a tope de enerxía!

Comezamos o terceiro trimestre e xa apreciamos como os máis pequenos de primaria, os de primeiro espertan as súas habilidades motrices e cada vez medran e van a máis. Así o apreciamos neste pequeno circuito de xogos de habilidades motrices,no cal teñen que saltar á corda, bailar un aro na cintura, botar un balón entre os conos, lanzar uns aros pequenos a un punto determinado,entre outras habilidades motrices. Ollade as imaxes do que son capaces de facer:

AS CAPACIDADES FÍSICAS BÁSICAS SON....

As capacidades físicas básicas son os componentes da condición física que nos permiten o que entendemos por "estar en forma". E xa sabemos cales son : FORZA, RESISTENCIA, VELOCIDADE E FLEXIBILIDADE. Podedes falarme algo máis sobre isto? Podedes poñerme exemplos de actividades onde podamos atopar estas cpacidades físicas básicas?? Ollo!! conta para nota....e non vale repetir cousas que poñan os demais!